Almennt er alltaf meiri árangur í gegnum einkaþjálfun - enda næ ég að sérsníða einkaþjálfun nákvæmlega inn á það sem þú þarft - og er í raun ekki að sleppa af þér hendi fyrr en sá árangur sem þú leitar að hefur náðst.

Ég hef þó alltaf passað upp á að hafa námskeið markvisst enda ábyrgist ég að allir tvöfaldi hraða sinn að lágmarki! Nemendur í fjarnámi ná góðum árangri ef þeir halda dampi og taka æfingar og sinna náminu – og það er því með þetta nám eins og annað – þú uppskerð sem þú sáir. Líkt og ég segi við alla mína nemendur. Það er ekki ég sem er að auka lestrarhraðann þinn eða bæta lestrarfærnina þína - þú gerir það með markvissum en einföldum daglegum lestraræfingum.

Það er mjög persónubundið hvort það henti einstaklingi betur að koma í staðnám eða taka efnið í fjarnámi – það sem skiptir helst máli - eins og í öllu öðru námi - það er að sinna náminu – og kalla eftir hjálp ef þú lendir í vandræðum.

Ef um hópnámskeið er að ræða þá hef ég hópa ekki mjög stóra - er almennt að kenna 5-10 manna hópum og sjaldan að ég leyfi stærri hópa. Þannig er ég að gæta þess að allir þátttakendur séu að fá næga aðstoð og fái öllum sínum spurningum svarað og nái þeim árangri sem þeir leituðu að þegar þeir komu á námskeiðið.

Allt það kennsluefni sem þú þarft finnur þú inni á kennsluvefnum og í appinu! - Þar eru glærur, myndskeið, PDF-skjöl, lestrarpróf, sjálfspróf, handhæg lestrarráð, útskýringar á lestraræfingum og margt fleira.

Þú sérð árangur mjög fljótt og það er ekki óalgengt að nemandi sé að tvöfalda lestrarhraða í fyrsta tíma. Þú munt sjá lestrarhraða þinn þre-fjórfaldast á fyrstu 7-12 dögunum - en þá þarf að fylgja vel æfingaferli á milli kennslustunda. Ætlast er til að þú sért að sinna 20-60 mínútna lestraræfingum daglega í að lágmarki þrjár vikur. Algengt er að 20 mínútna heimaæfingar tryggi þér að lágmarki þreföldun á hraða en 60 mínútna heimaæfingar skila jafnan rúmri fjórföldun á lestrarhraða.

Já - Hraðlestrarskólinn hefur haldið námskeið á Íslandi í rúm 47 ár eða síðan 1978 og bjóðum Árangursábyrgð, Æviábyrgð og Ánægjuábyrgð af námskeiðum okkar. Æviábyrgðin tryggir þér rétt á að endurtaka námskeiðið eins oft og þú vilt - þér að kostnaðarlausu í framtíðinni. Ég mæli jafnan með að taka námskeiðið á 6-12 mánaða fresti fyrstu árin og svo að rifja upp þegar lestrarkröfur aukast - vegna vinnu eða framhaldsnáms. Kynntu þér upplýsingar um ábyrgð Hraðlestrarskólans á www.h.is/abyrgd