Anna
mjög ánægt foreldri

„Öll börnin mín þrjú hafa komið á námskeið og bætt sig til muna í lestri og lestrarhraða“

Kolbrún
Mjög ánægð móðir

„Eins og strákurinn minn sagði ,,skemmtilegur kennari sem lætur mann lesa geggjað hratt”

Íris
mjög ánægt foreldri

„Sonur minn var staðnaður í leshraða, ekkert aukist að ráði síðustu ár, en nú fór hann úr 160 orðum á mínútu í yfir 600 orð á mínútu. Hann spurði mig afhverju þetta er ekki skylduáfangi í grunnskóla, svo margt gott sem kemur út úr því að lesa hraðar. Hann er strax farinn að nota þetta í námi sínu í 8. bekk!“

Ragnheiður
Mjög ánægð móðir

„Minn gutti hafði nú ekki mikla trú á sér í að hann gæti lesið eitthvað "hratt", en var tilbúinn til að prufa lestraskólann (eins og hann kallaði þetta). Alltaf sá maður hann njóta lesturs meira og meira, ef honum leiðist t.d. á daginn þá er hann fljótur að leggjast á hrúgaldið sitt eða í sófan og byrja að lesa, finnst gaman að skoða hvaða bækur eru að koma út og kíkja á bókasafnið. Þetta var eitthvað nýtt hjá okkur. Hann er búinn að standa í miklu aðgerðaferli á munnsvæði og er með fullt af auka "dóti" upp í sér sem tefur fyrir þegar hann þarf að lesa upphátt t.d. í skóla en núna hérna heima þá er þetta ekki vandamál, líka gaman að sjá hann fara í bílferð með eitthvað annað en snjalltæki núna er það einhver bók og þá helst brandarar og gátur. Ég mæli eindregið með þessu námskeiði fyrir krakka og ef ekki bara alla, þar sem ég lærði sjálf margt í gegnum drenginn ;) TAKK TAKK”

Unnur
mjög ánægt foreldri

„Ég ákvað að skrá dóttir mína, sem á við mikla lesblindu að stríða, á námskeið hjá Hraðlestrarskólanum veturinn 2013. Hún ætlaði nú alls ekki að vilja fara en ég sagði henni að prófa í eitt skipti. Þegar hún var búin með fyrsta daginn, spurði ég hana hvernig hefði verið. Hún sagði ekkert í fyrstu en síðan fékk ég að heyra ‘hvers vegna í ósköpunum varst þú ekki búin að skrá mig fyrr’.
Eftir námskeiðið hefur hún tekið miklum framförum í lestri og námið reynist henni auðveldara. Hún var mjög ánægð með námskeiðið og það gleðilega er að nú var hún að biðja sjálf um að fara aftur á hraðlestrarnámskeið.“

Guðrún Sólveig
Mjög ánægð móðir

„Mig langar að fá að þakka þér sérstaklega fyrir námskeiðið. Sá var spenntur að senda mér sms þegar hann var búinn í dag og segja mér að hann hefði náð 1078 orðum á mínútu en hafði í fyrsta tímanum verið með 168 orð á mínútu þannig að hann var að rúmlega sexfalda lestrarhraðann sinn á 14 dögum ásamt því sem skiptir meira máli að hann er farinn að njóta þess að lesa. Þvílíkur munur og áhuginn sem kom á þessum tveimur vikum. Hann les bara og les áfram án þess að ég þurfi að biðja hann um að lesa meira. Áður þurfti ég að halda efninu alveg að honum til að hann fengist til að lesa 1-2 síður í heimanáminu. Hann hefur klárað bókina Draumurinn alveg á námskeiðinu og einnig búinn að lesa í Henri var rænt í Rússlandi sem eru hvorutveggja alvöru lestrarbækur. Takk kærlega fyrir minn mann. Við gætum ekki verið ánægðari með árangurinn og sjálfstraustið sem kom út frá þessum tímum þar sem hann fór bara einn og hafði engan vin með. Mæli 100% með þessu námskeiði.”

Jóna
Mjög ánægð móðir

„Það er mikill munur á mínum strák. Hann skammaði mig að hafa ekki hafa sent hann fyrr á námskeið en ég var búin að bjóða honum marg oft og ákvað að skrá hann og sagði að hann hefði gott af þessu. Sjálf hafði ég gott af þessu á sínum tíma. Hann er mun jákvæðari núna og tilbúinn að lesa þegar hann er beðinn um það. Hann er loks farinn að lesa sjálfum sér til skemmtunar. Takk fyrir drenginn. P.s. Núna ætlar hann að mæla hvað mamman les mörg orð á mínútu :)“

Ýr, ánægð móðir.

"Þú ert að gera góða hluti með þessu námskeiði:)" 

Svanfríður, mjög ánægð móðir.

"Það var ekki mjög jákvæð dama sem mætti til þín í fyrsta tíma en það viðhorf var svo sannarlega breytt þegar ég sótti hana aftur."

Kjartan Magnússon
faðir  og afi

„Sonur minn 12 ára var ekki mikið fyrir að lesa þrátt fyrir hvatningu og samlestur. Mest hefur það verið hæglestur á Andrésar Andar blöðum/Syrpu. Það var frábær fjárfesting að bjóða honum á þetta námskeið. Þarna sá hann fyrst að það var skemmtilegt að taka upp bók. Nú liggur Ævintýraeyjan eftir Enid Blyton, lesin á dagsparti á sófaborðinu. Hið sama má segja um 11 ára barnabarn, sem fékk að fljóta með. Bestu þakkir.”

Veiga Dögg
Mjög ánægð móðir

„Dóttir mín, 9 ára tók þátt í hraðlestrarnámskeiði hjá ykkur 3 föstudaga í röð. Henni fannst mjög gaman og efldist talsvert mikið í lestri. Það sem ég sé mestan mun á er áhuginn sem vaknaði og sjálfstraustið sem hún fékk við aukinn lestrarhraða og skilning. Jólin verða nýtt í betri yfirferð á viku 1-2 til þess að efla okkur enn betur. Bestu þakkir“